പാലക്കാട്: ദുബൈയില്‍ നിന്നെത്തി കൊവിഡ് 19 സ്ഥിരീകരിച്ച പാലക്കാട് സ്വദേശി ക്വാറന്‍ൈനില്‍ പോകാതെ കറങ്ങിനടന്നത് എട്ടുദിവസം. ഇതോടെ ഇയാളുടെ റൂട്ട്മാപ്പ് തയ്യാറാക്കുന്നതും ദുഷ്‌കരമായി.

കഴിഞ്ഞ 13 നാണ് കാരാക്കുറിശ്ശി സ്വദേശി നാട്ടിലെത്തുന്നത്. കരിപ്പൂര്‍ വിമാനത്താവളത്തിലിറങ്ങി നാട്ടിലെത്തി, ബാങ്കുകള്‍ പള്ളി, ബന്ധുവീടുകളിലടക്കം നിരവധിയിടങ്ങളില്‍ ഇയാള്‍ സന്ദര്‍ശനം നടത്തി. പിന്നീട് ഇയാള്‍ നിരീക്ഷണത്തിലേക്ക് മാറിയത് മാര്‍ച്ച് 21 ന് ശേഷമാണ്. കൂടുതല്‍ പേരിലേക്ക് വൈറസ് എത്താനുള്ള സാധ്യതയുള്ളതിനാല്‍ സമ്പര്‍ക്കപ്പട്ടിക എത്രയും വേഗം തയ്യാറാക്കാനുള്ള പരിശ്രമമാണ് ഇപ്പോള്‍ നടക്കുന്നത്.

ജില്ലയില്‍ 3 പേര്‍ക്കുകൂടി കൊവിഡ് സ്ഥിരീകരിച്ചതോടെ ഇന്നുമുതല്‍ ജില്ലയില്‍ നിയന്ത്രണങ്ങള്‍ കടുപ്പിക്കുകയാണ്.