തിരുവനന്തപുരം: പാല്‍ക്കുളങ്ങരയില്‍ രണ്ട് ആര്‍.എസ്.എസ് പ്രവര്‍ത്തകര്‍ക്ക് വെട്ടേറ്റു.  പാല്‍ക്കുളങ്ങര ബസ്തി കാര്യവാഹക് ഷാജി, ശ്യാം എന്നിവര്‍ക്കു നേരെയാണ് ഇന്നലെ പുലര്‍ച്ചെ ഒരു മണിയോടെ ദളവ ജങ്ഷനില്‍ വച്ച് ആക്രമണം ഉണ്ടായത്. സംഭവത്തിന് പിന്നില്‍ ഡി.വൈ.എഫ്.ഐ പ്രവര്‍ത്തകരാണ് ആക്രമണം നടത്തിയതെന്ന് ആര്‍.എസ്.എസ് ആരോപിച്ചു. പരുക്കേറ്റ ഇരുവരെയും തിരുവനന്തപുരം മെഡിക്കല്‍ കോളജ് ആശുപത്രിയില്‍ പ്രവേശിപ്പിച്ചു.  ശ്യാമിന്റെ പരുക്ക് ഗുരുതരമാണ്. ശ്യാമിനെ സര്‍ജിക്കല്‍ ഐ.സി.യുവിലും ഷാജിയെ 15ാം വാര്‍ഡിലും പ്രവേശിപ്പിച്ചു. ശ്യാമിന് വയറിലും പുറം ഭാഗത്തും പരുക്കുണ്ട്. ഷാജിക്ക് തോളിലും വയറിലുമാണ് സാരമായ പരുക്കുള്ളത്. പൊലിസ് കേസെടുത്ത് അന്വേഷണം ആരംഭിച്ചു.