കൊച്ചി: സപ്ലൈകോ ഇന്നുമുതല്‍ അവശ്യഭക്ഷ്യസാധനങ്ങള്‍ ഓണ്‍ലൈന്‍ വഴി വീടുകളിലെത്തിക്കുമെന്ന് സി.എം.ഡി പി.എം അലി അസ്ഗര്‍ പാഷ.

സംസ്ഥാനത്തിന്റെ വിവിധ ഭാഗങ്ങളില്‍ 17 ഇടങ്ങളിലായി തുടങ്ങുന്ന സംരംഭത്തിന് കൊച്ചിയിലായിരിക്കും തുടക്കം കുറിക്കുക.
സപ്ലൈകോയുടെ ആസ്ഥാനമായ ഗാന്ധിനഗറിന് എട്ടുകിലോമീറ്റര്‍ ചുറ്റളവിലായിരിക്കും ഇന്ന് ഭക്ഷ്യവസ്തുക്കള്‍ എത്തിക്കുക.
പ്രമുഖ ഓണ്‍ലൈന്‍ ഭക്ഷ്യദാതാവായ സൊമാറ്റോയുമായാണ് ഇത് സംബന്ധിച്ച് കരാര്‍ ഒപ്പിട്ടിരിക്കുന്നത്. ഇ-പെയ്‌മെന്റ് വഴിയായിരിക്കും ഇടപാടുകള്‍ നടത്തുക. ഓര്‍ഡര്‍ ചെയ്യുന്ന ഭക്ഷ്യവസ്തുക്കള്‍ 50മിനിറ്റുകള്‍ക്കകം വീട്ടിലെത്തിക്കുന്ന തരത്തിലാണ് ക്രമീകരണം നടത്തിയിരിക്കുന്നത്.