കല്‍പ്പറ്റ: അനാഥാലയത്തിലെ വിദ്യാര്‍ഥിനികളെ പീഡിപ്പിച്ച സംഭവത്തില്‍ അന്വേഷണം ഊര്‍ജിതമാക്കണമെന്നും വിവരം അറിഞ്ഞയുടന്‍ പ്രതികള്‍ക്കെതിരേ നേരിട്ട് പൊലിസില്‍ പരാതി നല്‍കുകയും നിയമത്തിന് മുന്‍പില്‍ കൊണ്ടുവരികയും ചെയ്ത മാനേജ്‌മെന്റിന്റെ നിലപാട് സ്വാഗതാര്‍ഹമെന്ന്  യുത്ത് ലീഗ് ജില്ലാ കമ്മിറ്റി അഭിപ്രായപ്പെട്ടു. ഇതു സംബന്ധമായി വരുന്ന വാര്‍ത്തകള്‍ അങ്ങേയറ്റം ഖേദകരവും വാസ്തവ വിരുദ്ധവുമാണ്. വളച്ചൊടിച്ച് വരുന്ന വാര്‍ത്തകള്‍ തിരിച്ചറിയണമെന്നും സ്ഥാപനത്തെ കരിവാരിത്തേക്കാനുള്ള ശ്രമം വിലപ്പോവില്ലെന്നും യോഗം അഭിപ്രായപ്പെട്ടു. ജില്ലാ പ്രസിഡന്റ് കെ ഹാരിസ്, ജനറല്‍ സെക്രട്ടറി സി.കെ ആരിഫ് എന്നിവര്‍ യോഗത്തില്‍ സംസാരിച്ചു.