പാരിസ്: യൂറോ കപ്പ് ഗ്രൂപ്പ് ബി യില്‍ വെയ്ല്‍സും ഇംഗ്ലണ്ടും അവസാന മത്സരത്തിന് ഇന്നിറങ്ങും. വെയ്ല്‍സ് റഷ്യയുമായി ഏറ്റുമുട്ടുമ്പോള്‍ ഇംഗ്ലണ്ടിനും സ്ലോവാക്യയാണ് എതിരാളികള്‍. ഈ കളിയോടെ ഗ്രൂപ്പ് ബിയില്‍നിന്ന് ആരൊക്കെ പ്രീക്വാര്‍ട്ടറില്‍ എത്തുമെന്നതിന് പൂര്‍ണ ചിത്രമാകും.

രണ്ടുകളിയില്‍ ഒരു ജയവും ഒരു സമനിലയുമായി ഇംഗ്ലണ്ടാണ് ഗ്രൂപ്പില്‍ തലപ്പത്ത്. ഒരു ജയവും ഒരു സമനിലയുമായി വെയ്ല്‍സ് രണ്ടാം സ്ഥാനത്താണ്.
നാലു ടീമുകള്‍ക്കും മത്സരങ്ങള്‍ നിര്‍ണായകമാണ്. ഇതുവരെ ജയം സ്വന്തമാക്കാന്‍ സാധിക്കാത്ത റഷ്യക്ക് പ്രീ ക്വാര്‍ട്ടറില്‍ എത്തണമെങ്കില്‍ വെയ്ല്‍സിനെതിരേ വന്‍ മാര്‍ജിനില്‍ ജയിക്കണം.
എന്നാല്‍ മികച്ച ഫോമിലുള്ള ബെയ്‌ലിനെയും സംഘത്തെയും മറികടക്കാന്‍ റഷ്യക്കാവുമോയെന്നാണ് കളിപ്രേമികള്‍ ഉറ്റുനോക്കുന്നത്.

സൂപ്പര്‍ താരങ്ങളുമായാണ് കളത്തിലെത്തിയതെങ്കിലും തിളക്കമാര്‍ന്ന ജയമില്ലാതെ ഇഴഞ്ഞു നീങ്ങുന്ന ഇംഗ്ലണ്ട് സ്ലോവാക്യക്കെതിരേ ജയത്തില്‍ കുറഞ്ഞതൊന്നും സ്വപ്നം കാണുന്നില്ല.