കൊല്‍ക്കത്ത: ബംഗാളില്‍ നിന്നുള്ള ഡൈവിങ് താരം മൗപ്രിയ മിത്ര(16)യെ വീട്ടില്‍ മരിച്ച നിലയില്‍ കണ്ടെത്തി. ഹൂഗ്ലിയിലെ മനസ്പൂരിലെ വീട്ടില്‍ കഴിഞ്ഞ ദിവസം വൈകിട്ടാണ് മൗപ്രിയയെ തൂങ്ങിമരിച്ച നിലയില്‍ കണ്ടെത്തിയത്. പത്താം ക്ലാസ് വിദ്യാര്‍ഥിനിയായിരുന്നു.മരണകാരണം വ്യക്തമല്ല. ആത്മഹത്യാക്കുറിപ്പ് കണ്ടെത്താനായിട്ടില്ല. മൃതദേഹം പോസ്റ്റ്‌മോര്‍ട്ടത്തിനയച്ചിരിക്കുകയാണ്. റിപ്പോര്‍ട്ട് വന്നതിനു ശേഷം മാത്രമേ കൂടുതല്‍ വിവരങ്ങള്‍ അറിയാന്‍ കഴിയൂ എന്ന് പൊലീസ് പറഞ്ഞു.രാജ്യാന്തര ഡൈവിങ് താരമായ മൗപ്രിയ പിതാവിനൊപ്പം തിങ്കളാഴ്ച രാവിലെ പരിശീലന കേന്ദ്രത്തിലേക്കു പോയി തിരികെ വന്നതിനു ശേഷമായിരുന്നു സംഭവം.