ഗുവാഹത്തി: വടക്കുക്കിഴക്കന്‍ സംസ്ഥാനങ്ങളില്‍ ദ്വിദിന സന്ദര്‍ശനം നടത്തുന്നതിന്റെ ഭാഗമായി വെള്ളിയാഴ്ച്ച ഗുവാഹത്തിയില്‍ വിമാനമിറങ്ങിയ പ്രധാനമന്ത്രി നരേന്ദ്രമോദിയ്ക്കു നേരെ കരിങ്കൊടി പ്രതിഷേധം. വിവാദമായ പൗരത്വഭേദഗതി ബില്‍ നിയമമാക്കുന്നതിനെതിരെയാണ് പ്രതിഷേധം.

അസം വിദ്യാര്‍ത്ഥി യൂണിയന്‍, ക്രിഷക് മുക്രി സംഗ്രമം സമിതി എന്നീ സംഘടനകളുടെ പ്രവര്‍ത്തകരാണ് പ്രതിഷേധവുമായെത്തിയത്. ഉസന്‍ബസാളില്‍ വെച്ച് ഗോബാക്ക് വിളിച്ച് പ്രതിഷേധവുമുണ്ടായി.

പൗരത്വഭേദഗതി ബില്‍ ലോക്‌സഭയില്‍ പാസാക്കിയതിന് ശേഷം ഇതാദ്യമായാണ് മോദി വടക്കു കിഴക്കന്‍ സംസ്ഥാനങ്ങളില്‍ സന്ദര്‍ശനം നടത്തുന്നത്.

സംസ്ഥാനത്ത് വിവിധ പദ്ധതികള്‍ ഉദ്ഘാടനം ചെയ്യാനെത്തുന്ന മോദി അഗര്‍ത്തലയിലെ സ്വാമി വിവേകാനന്ദ മൈതാനത്ത് റാലിയും സംഘടിപ്പിക്കുന്നുണ്ട്.