ന്യൂസിലന്‍ഡ്: ഐ.എസ്.എല്‍ ടീം ഡല്‍ഹി ഡൈനാമോസിന്റെ പരിശീലക സ്ഥാനം മിഗ്വേല്‍ എയ്ഞ്ചല്‍ പോര്‍ച്ചുഗല്‍ ഒഴിഞ്ഞു. ക്ലബുമായുള്ള പരസ്പര ധാരണയുടെ പുറത്താണ് കോച്ച് രാജി വയ്ക്കുന്നതെന്ന് ഡൈനാമോസ് പുറത്തിറക്കിയ വാര്‍ത്താക്കുറിപ്പില്‍ വ്യക്തമാക്കി.
സ്പാനിഷ് ടീം ഗ്രനാഡ സി.എഫിന്റെ പരിശീലക സ്ഥാനം ഏറ്റെടുക്കാനൊരുങ്ങുന്നതിനെ തുടര്‍ന്നാണ് ഇന്ത്യന്‍ ക്ലബില്‍ നിന്ന് കോച്ച് പുറത്ത് പോകുന്നത്. ഐ.എസ്.എല്‍ നാലാം സീസണില്‍ ഡല്‍ഹിയുടെ പരിശീലകനായി എത്തിയ മിഗ്വേലിന്റെ കീഴില്‍ ഡല്‍ഹി എട്ടാം സ്ഥാനത്താണ് ഫിനിഷ് ചെയ്തത്. പ്രഥമ ഇന്ത്യന്‍ സൂപ്പര്‍ കപ്പ് ഫുട്‌ബോളിന് യോഗ്യത നേടാന്‍ ടീമിന് സാധിച്ചതുമില്ല.