അമ്പലപ്പുഴ: സാമൂഹ്യ വിരുദ്ധര്‍ മാലിന്യകൂമ്പാരത്തിന് തീയിട്ടത് പരിഭ്രാന്തി പരത്തി. പുന്നപ്ര കുറവന്‍തോട് ദേശീയപാതയില്‍ വണ്ടാനം മെഡിക്കല്‍ കോളജ് ക്വോട്ടേഴ്‌സിന് മുന്‍വശത്തായിരുന്നു സംഭവം. ദേശീയ പാതയോരത്ത് കിടന്ന മാലിന്യകൂമ്പാരങ്ങള്‍ക്കാണ് സാമൂഹ്യ വിരുദ്ധര്‍ തീയിട്ടത്. തുടര്‍ന്ന് പ്രദേശമാകെ തീയും പുറയും ഉയര്‍ന്നാണ് ജനങ്ങളെ പരിഭ്രാന്തിയിലാക്കിയത്.
സംഭവത്തെ തുടര്‍ന്ന് ദേശീയ പാതയില്‍ ഏറെനേരം ഗതാഗതം തടസപെട്ടു. സംഭവം അറിഞ്ഞ പുന്നപ്ര പൊലിസ്, ആലപ്പുഴ ഫയര്‍‌സ്റ്റേഷനില്‍ അറിയിച്ചതിനെ തുര്‍ന്ന് ലീഡിങ്ങ് ഫയര്‍മാന്‍ ഷാജിയുടെ നേതൃത്വത്തിലെത്തിയ അഗന്ധിശമനസേന അര മണിക്കൂര്‍കൊണ്ടാണ് തീ അണച്ചത്. നൂറു മീറ്ററോളം ഭാഗത്ത് മാലിന്യം കുന്നുകൂടി കിടന്നിട്ടും ബന്ധപ്പെട്ടവരുടെ ഭാഗത്തുനിന്നും യാതൊരു നടപടിയും ഉണ്ടായില്ലെന്ന് ആക്ഷേപമുണ്ട്.