തിരുവനന്തപുരം: യൂത്ത് കോണ്‍ഗ്രസ് പ്രവര്‍ത്തകര്‍ സെക്രട്ടറിയേറ്റിലേക്ക് നടത്തിയ മാര്‍ച്ചില്‍ നേരിയ സംഘര്‍ഷം .കണ്ണൂരില്‍ ദലിത് യുവതികളെ അറസ്റ്റ് ചെയ്ത് അപമാനിച്ചതിലും കെ.എസ്.യു പ്രവര്‍ത്തകരെ പൊലിസ് മര്‍ദ്ദിച്ചതിലും പ്രതിഷേധിച്ചാണ് യൂത്ത് കോണ്‍ഗ്രസ് പ്രവര്‍ത്തകര്‍ സെക്രട്ടറിയേറ്റ് മാര്‍ച്ച് നടത്തിയത്.

മാര്‍ച്ച് പൊലിസ് തടഞ്ഞതോടെയാണ് സംഘര്‍ഷം ആരംഭിച്ചത്. തുടര്‍ന്ന് പൊലിസ് ജലപീരങ്കി ഉപയോഗിച്ചു. കെ.പി.സി.സി പ്രസിഡന്റ് വി.എം സുധീരനാണ് മാര്‍ച്ച് ഉദ്ഘാടനം ചെയ്തത്. യൂത്ത് കോണ്‍ഗ്രസ് സംസ്ഥാന അധ്യക്ഷന്‍ ഡീന്‍ കുര്യാക്കോസിന്റെ നേതൃത്വത്തില്‍ പ്രവര്‍ത്തകര്‍ മുഖ്യമന്ത്രി പിണറായി വിജയന്റെ കോലം കത്തിച്ചു.