മനാമ: ബഹ്റൈൻ സന്ദർശനത്തിനെത്തിയ ഇന്ത്യൻ വിദേശകാര്യ മന്ത്രി ഡോ. എസ്. ജയ്ശങ്കർ ബഹ്റൈൻ ഉപപ്രധാനമന്ത്രി ശൈഖ് ഖാലിദ് ബിൻ അബ്ദുല്ല ആൽ ഖലീഫയുമായി കൂടിക്കാഴ്‌ച നടത്തി. വിദേശ കാര്യ മന്ത്രി ഡോ. അബ്ദുൾ ലത്തീഫ് ബിൻ റാശിദ് അൽ സയാനി, വ്യവസായ വാണിജ്യ മന്ത്രി അബ്ദുല്ല ബിൻ ആദിൽ ഫഖ്റു തുടങ്ങിയവർ യോഗത്തിൽ പങ്കെടുത്തു.

ബഹ്റൈനും ഇന്ത്യയും തമ്മിലുള്ള ബന്ധം സൗഹൃദത്തിൽ വേരൂന്നിയതാണെന്നും, ഹമദ് രാജാവിന്റെയും കിരീടാവകാശിയും പ്രധാനമന്ത്രിയുമായ പ്രിൻസ് സൽമാൻ ബിൻ ഹമദ് ആൽ ഖലീഫയുടെയും പിന്തുണയോടെ വിവിധ മേഖലകളിലുടനീളം ബന്ധം വളർത്തിയെടുക്കാൻ സാധിച്ചിട്ടുണ്ടെന്നും ഉപ പ്രധാനമന്ത്രി വ്യക്തമാക്കി. ഉഭയകക്ഷി ബന്ധം മുന്നോട്ട് കൊണ്ടുപോകുന്നതിനുള്ള പ്രതിബദ്ധതക്ക് ഡോ. ജയ്ശങ്കർ ബഹ്റൈനെ അഭിനന്ദിച്ചു. ഇന്ത്യയുമായുള്ള ബന്ധം കൂടുതൽ വികസിപ്പിക്കുന്നതിനുള്ള ബഹ്റൈന്റെ പ്രതിബദ്ധത ഉപപ്രധാനമന്ത്രി ശൈഖ് ഖാലിദ് ബിൻ അബ്ദുല്ല ആൽ ഖലീഫ ഉയർത്തിക്കാട്ടിയ അദ്ദേഹം ബഹ്റൈന്റെ വികസനത്തിനും വളർച്ചക്കും ഇന്ത്യൻ സമൂഹം നൽകുന്ന സുപ്രധാന സംഭാവനകളെയും  അഭിനന്ദിച്ചു.

Indian External Affairs Minister Dr. S. Jaishankar met with Bahrain's Deputy Prime Minister, discussing ways to strengthen bilateral ties and cooperation between the two nations.