ദോഹ; ഖത്തറിൻ്റെ ടൂറിസവുമായി ബന്ധപ്പെട്ട സമഗ്ര സേവനങ്ങൾ ഇനി ഓൺലൈനിൽ ലഭിക്കും. ഖത്തർ ടൂറിസം അധികൃതരാണ് പുതിയ ഇ-സേവനം ആരംഭിച്ചത്. 80-ലധികം സേവനങ്ങളാണ് ബിസിനസുകാർ, ഹോട്ടലുകൾ, ഇവന്റ് ഓർഗനൈസർമാർ, വ്യക്‌തികൾ തുടങ്ങിയവർക്കെല്ലാമായി പോർട്ടലിൽ ലഭ്യമാക്കിയിരിക്കുന്നത്.

https://eservices.visitqatar.qa/authentication/login എന്ന പുതിയ പോർട്ടലിലൂടെ ഉപയോക്താക്കൾക്ക് ലളിതവും കാര്യക്ഷമവുമായ സേവനം ഉറപ്പാക്കുകയാണ് അധികൃതർ ലക്ഷ്യമിടുന്നത്. ആതിഥേയ മേഖലയുടെ പ്രവർത്തന കാര്യക്ഷമത ശക്‌തിപ്പെടുത്തുന്നതിനും പുതിയ ഇ-സേവനം ഫലപ്രദമാകും. ഇതിലൂടെ ടൂറിസം മേഖലയിൽ ഉയർന്ന ഗുണനിലവാരത്തിലുള്ള സേവനങ്ങളാണ് ഉറപ്പാക്കുന്നത്. ഉപയോക്താക്കൾക്ക് ഖത്തർ ഐഡി ഉപയോഗിച്ച് പോർട്ടലിൽ പ്രവേശിച്ച് പുതിയ അക്കൗണ്ട് ക്രിയേറ്റ് ചെയ്യണം, അല്ലെങ്കിൽ നാഷനൽ ഓഥന്റിക്കേഷൻ സിസ്‌റ്റം മുഖേനയും പോർട്ടലിൽ ലോഗിൻ ചെയ്യാം.

പുതിയ സേവനങ്ങൾ
ലൈസൻസിന് അപേക്ഷിക്കുകയും പുതുക്കുകയും ചെയ്യാം.
അപേക്ഷയുടെ സ്‌റ്റേറ്റസ്‌ ട്രാക്ക് ചെയ്യാം. 
24 മണിക്കൂറും ഇ-സേവനം ലഭ്യമാണ്. 
എല്ലാ പെയ്മെൻ്റുകളും ഒരിടത്ത് തന്നെ അടയ്ക്കാം.

Qatar has introduced a new e-portal that offers over 80 tourism-related services online, aiming to enhance the visitor experience and streamline processes for tourists and businesses alike.