കുവൈത്ത് സിറ്റി: വ്യാഴാഴ്ച പുലർച്ചെ 5 മണി മുതൽ ഷെയ്ഖ് ജാബർ അൽ അഹമ്മദ് പാലം ഒരു ദിശയിലേക്കുള്ള ഗതാഗതത്തിനായി താൽക്കാലികമായി അടച്ചിടുമെന്ന് ജനറൽ ട്രാഫിക് ഡിപ്പാർട്ട്‌മെൻ്റ് അറിയിച്ചു. സാദ് അൽ അബ്ദുല്ല അക്കാദമി ഫോർ സെക്യൂരിറ്റി സയൻസസിലെ വിദ്യാർഥികൾ നടത്തിയ ലോങ് മാർച്ചിനെ തുടർന്നാണ് ഷുവൈഖ് ഏരിയയിൽ നിന്ന് സുബിയയിലേക്കുള്ള റോഡ് അടച്ചത്.
 
വിദ്യാർത്ഥികളുടെ മാർച്ച് അവസാനിക്കുന്നത് വരെ ഗതാഗതം താൽക്കാലികമായി അടച്ചിടുമെന്നും കാലതാമസം ഒഴിവാക്കാൻ യാത്രക്കാർ ബദൽ റൂട്ടുകൾ തേടാൻ നിർദ്ദേശിക്കുന്നു. ഒരു ദിശ അടച്ചിട്ടുണ്ടെങ്കിലും, ഷെയ്ഖ് ജാബർ അൽ അഹമ്മദ് പാലത്തിൻ്റെ എതിർ ദിശ തുറന്നിരിക്കും, ഇത് പൊതുഗതാഗതം സാധാരണ നിലയിൽ തുടരുമെന്നു അറിയിപ്പിൽ പറയുന്നു. ഈ കാലയളവിൽ ട്രാഫിക് മാനേജ്‌മെൻ്റിനെ സഹായിക്കാൻ ട്രാഫിക് ഉദ്യോഗസ്ഥർ ഒപ്പമുണ്ടാകും.