തെയ്യോട്ടുച്ചിറ: പ്രമുഖ പണ്ഡിതനും സമസ്ത കേരള ജംഇയ്യത്തുല്‍ ഉലമ നേതാവും അഹ്‌ലുസുന്നയുടെ പ്രഭാഷകനുമായിരുന്ന കല്ലൂര്‍ മുഹ്‌യദ്ദീന്‍ കുട്ടി മുസ്‌ലിയാരുടെ നാമധേയത്തില്‍ ബഹുമുഖ പദ്ധതികളോടെ നിര്‍മിക്കപ്പെട്ട കല്ലൂര്‍ ഉസ്താദ് സ്മാരക സൗധത്തിന്റെ ഉദ്ഘാടനവും എസ്.കെ.എസ്.എസ് എഫ് തെയ്യോട്ടുച്ചിറ യൂനിറ്റ് വാര്‍ഷികവും നാളെ മുതല്‍ നാലു ദിവസങ്ങളിലായി നടക്കും.
നാളെ രാവിലെ ഏഴു മണിക്ക് മൊയ്തീന്‍ മുസ്‌ലിയാര്‍ പതാക ഉയര്‍ത്തുന്നതോടെ പരിപാടികള്‍ക്ക് തുടക്കമാവും. അസ്വറ് നമസ്‌ക്കാരാനന്തരം നടത്തുന്ന കമ്മുസൂഫി മഖാം സിയാറത്തിന് മൊയ്തുട്ടി മുസ്‌ലിയാര്‍ നേതൃത്വം നല്‍കും. വൈകിട്ട് ഏഴു മണിക്ക് സമസ്ത ട്രഷറര്‍ സി.കെ.എം സ്വാദിഖ് മുസ്‌ലിയാരുടെ അധ്യക്ഷതയില്‍ സമസ്ത പ്രസിഡന്റ് സയ്യിദ് മുഹമ്മദ് ജിഫ്രി മുത്തുക്കോയ തങ്ങള്‍ സൗധം ഉദ്ഘാടനം ചെയ്യും. കോഴിക്കോട് വലിയ ഖാസി പാണക്കാട് സയ്യിദ് അബ്ദുന്നാസര്‍ ഹയ്യ് ശിഹാബ് തങ്ങള്‍ പ്രാര്‍ഥനക്ക് നേതൃത്വം നല്‍കും. സമസ്ത ജനറല്‍ സെക്രട്ടറി കെ. ആലിക്കുട്ടി മുസ്‌ലിയാര്‍ മുഖ്യാതിഥിയാവും. എസ്.വൈ.എസ് സംസ്ഥാന സെക്രട്ടറി അബ്ദുസമദ് പൂക്കോട്ടൂര്‍ മുഖ്യപ്രഭാഷണം നിര്‍വഹിക്കും. എസ്.കെ.എസ്.എസ്.എഫ് സംസ്ഥാന ഉപാധ്യക്ഷന്‍ മുസ്തഫ അഷ്‌റഫി കക്കുപ്പടി സ്വാഗതവും ഷഫീഖ് അന്‍വരി നന്ദിയും പറയും
വെള്ളിയാഴ്ച അന്‍വര്‍ കമാലി നാട്ടുകല്‍ ആമുഖഭാഷണം നിര്‍വഹിക്കും. സലീം ഫൈസി തെയ്യോട്ടുച്ചിറയുടെ അധ്യക്ഷതയില്‍ സമദ് ഫൈസി ഉദ്ഘാടനം ചെയ്യും. അബ്ദുല്‍ ജലീല്‍ റഹ്മാനി വാണിയന്നൂര്‍ മുഖ്യപ്രഭാഷണം നിര്‍വഹിക്കും. സലീം കമാലി സ്വാഗതവും അസൈനാര്‍ റഹ്മാനി നന്ദിയും പറയും.
ശനിയാഴ്ച ബക്കര്‍ ദാരിമിയുടെ അധ്യക്ഷതയില്‍ സയ്യിദ് ഹുസൈന്‍ തങ്ങള്‍ കൊടക്കാട് ഉദ്ഘാടനം ചെയ്യും. ഉബൈദ് കമാലി ആമുഖഭാഷണം നടത്തും. ഖലീല്‍ ഹുദവി കാസറകോഡ് മുഖ്യപ്രഭാഷണം നിര്‍വഹിക്കും. പലൂര്‍ അബൂബക്കര്‍ മുസ്‌ലിയാര്‍ സ്വാഗതവും ഷബീര്‍ തെയ്യോട്ടുച്ചിറ നന്ദിയും പറയും.
ഞായറാഴ്ച സി.എച്ച് അബ്ദുറഹിമാന്‍ വഹബിയുടെ അധ്യക്ഷതയില്‍ സമസ്ത കേരള ജംഇയ്യത്തുല്‍ ഖുതബാഅ് സംസ്ഥാന ഉപാധ്യക്ഷന്‍ സയ്യിദ് ഇമ്പിച്ചിക്കോയ തങ്ങള്‍ കൊടക്കാട് ഉദ്ഘാടനം ചെയ്യും. സി.കെ മൊയ്തുട്ടി മുസ്‌ലിയാര്‍ മുഖ്യപ്രഭാഷണം നടത്തും. സമാപന ദിക്‌റ് ദുആ സമ്മേളനത്തിന് സമസ്ത കേരള ഇസ്‌ലാം മത വിദ്യഭ്യാസ ബോര്‍ഡ് ജനറല്‍ സെക്രട്ടറി എം.ടി അബ്ദുല്ല മുസ്‌ലിയാര്‍ നേതൃത്വം നല്‍കും. റഹീം ഫൈസി സ്വാഗതവും അബ്ദുല്‍ ഗഫൂര്‍ കമാലി നന്ദിയും പറയും.
നാലു ദിവസങ്ങളിലായി നടത്തുന്ന പരിപാടിയില്‍ സി. മുഹമ്മദാലി ഫൈസി, സി.പി ബാപ്പു മുസ്‌ലിയാര്‍, മുഹമ്മദ് കുട്ടി ഫൈസി, എ.പി ജലീല്‍ ഫൈസി, അലി ഫൈസി കുളപ്പറമ്പ്, ഉസ്മാന്‍ ഫൈസി കരുവാരക്കുണ്ട്, കെ.സി അബൂബക്കര്‍ ദാരിമി, ഹബീബ് ഫൈസി കോട്ടോപ്പാടം, സി.കെ അബ്ദുറഹീം ദാരിമി, ഷറഫുദ്ദീന്‍ മാസ്റ്റര്‍, ഉസ്മാന്‍ ഫൈസി, അന്‍വര്‍ സ്വാദിഖ് ഫൈസി, ടി.കെ സുബൈര്‍ മൗലവി, ശമീര്‍ ഫൈസി കോട്ടോപ്പാടം, അസ്‌കര്‍ കരിമ്പ, കബീര്‍ അന്‍വരി നാട്ടുകല്‍, ജാഫര്‍ ഫൈസി, ബഷീര്‍ അസ്ഹരി, മുഹമ്മദാലി, വാപ്പു ഹാജി, ഒ.കെ.എം മൗലവി ആനമങ്ങാട്, സകരിയ്യ കമാലി സംബന്ധിക്കും.