കാഠ്മണ്ഡു: പ്രണയദിനമായി അറിയപ്പെടുന്ന 'വാലന്റൈന്‍ ഡേ' ആഘോഷിക്കാനായി ഇന്ത്യയില്‍നിന്ന് നേപ്പാളിലെത്തിയത് 15 ദശലക്ഷം രൂപയുടെ റോസാപൂക്കള്‍. ഈ മാസം 14നാണ് 'വാലന്റൈന്‍ ഡേ'.

1,60,000 റോസാത്തണ്ടുകളാണ് ഇന്ത്യയില്‍നിന്ന് നേപ്പാളിലേക്ക് എത്തിയതെന്ന് ഫ്‌ളോറി കള്‍ച്ചറല്‍ അസോസിയേഷന്‍ നേപ്പാള്‍ (എഫ്.എ.എന്‍) അറിയിച്ചു. പ്രണയദിനം ആഘോഷിക്കാന്‍ ആകെ രണ്ടുലക്ഷം റോസാപൂക്കള്‍ വേണമെന്നാണ് എഫ്.എ.എന്‍ പ്രതീക്ഷിക്കുന്നത്.
ഇന്ത്യയില്‍ കൊല്‍ക്കത്തയില്‍നിന്നും ബംഗളൂരുവില്‍ നിന്നുമാണ് പ്രധാനമായും നേപ്പാളിലേക്ക് റോസാപൂക്കള്‍ എത്തുന്നത്. നേപ്പാളിലേക്ക് ഏറ്റവും വിലക്കുറവില്‍ റോസാപൂക്കള്‍ എത്തുന്നതും ഇന്ത്യയില്‍ നിന്നാണ്.