കല്ലമ്പലം: കഴിഞ്ഞ ദിവസമുണ്ടായ ശക്തമായ കാറ്റില്‍ കാവിനുള്ളില്‍ നിന്നിരുന്ന കൂറ്റന്‍ ആല്‍മരം കടപുഴകി വീണു.
ചെമ്മരുതി പുന്നക്കാട്ട് ഇടത്തറ കാവിലെ ആല്‍മരമാണ് കടപുഴകി വീണത്. ഇതിനെ തുടര്‍ന്നു  പന്തുവിള മുത്താന വഴിയുള്ള ഗതാഗതം നിലച്ചു. വര്‍ക്കല നിന്ന് ഫയര്‍ഫേഴ്‌സും പഞ്ചായത്തധികൃതരും എത്തി ജെ.സി.ബിയും മറ്റും ഉപയോഗിച്ച് ചില്ലകള്‍ മുറിച്ചുമാറ്റിയാണ് ഗതാഗതം പുനസ്ഥാപിച്ചത്.  നൂറ്റിയമ്പതില്‍പ്പരം ഔഷധ സസ്യശേഖരങ്ങളുള്ള കാവില്‍ മരം വീണതിനെത്തുടര്‍ന്നുണ്ടായ  നഷ്ടം ഇനിയും കണക്കാക്കാന്‍ കഴിഞ്ഞിട്ടില്ലെന്ന് ക്ഷേത്രഭാരവാഹികള്‍ അറിയിച്ചു.