കോഴിക്കോട്: കക്കോടി പഞ്ചായത്തും കേരള ഫെഡറേഷന്‍ ഓഫ് ദി ബ്ലൈന്‍ഡ് ജില്ലാ യൂനിറ്റും സംയുക്തമായി അന്ധപക്ഷാചരണം സംഘടിപ്പിക്കുന്നു. 11ന് രാവിലെ പത്തുമുതല്‍ കക്കോടി പഞ്ചായത്ത് റോട്ടറി പാര്‍ക്കില്‍ വച്ചാണ് പരിപാടി നടക്കുക. രാവിലെ പത്തിന് എക്‌സിബിഷനും തുടര്‍ന്നു വൈറ്റ് കെയിന്‍ റാലിയും നടക്കും. വൈകിട്ട് അഞ്ചിനു നടക്കുന്ന സമാപന സമ്മേളനം ഗതാഗത മന്ത്രി  എ.കെ ശശീന്ദ്രന്‍ ഉദ്ഘാടനം ചെയ്യും. കക്കോടി പഞ്ചായത്ത് പ്രസിഡന്റ് എം. രാജേന്ദ്രന്‍ അധ്യക്ഷനാകും.
വാര്‍ത്താ സമ്മേളനത്തില്‍ എം. രാജേന്ദ്രന്‍, മേലാല്‍ മോഹനന്‍, സജീവന്‍ കക്കടവത്ത്, ടി. സുനില്‍, കോട്ടയില്‍ ഉണ്ണി, കെ.വി സിറിയക്, സി. ഇന്ദു പങ്കെടുത്തു.