തൃശൂര്‍: ഐ.ഇ.എസ് കോളജ് ഓഫ് എന്‍ജിനീയറിങില്‍ ഡിപ്ലോമ, എന്‍ജിനീയറിങ്, ബിരുദ, ബിരുദാനന്തര ഉദ്യോഗാര്‍ഥികള്‍ക്കായി നാളെ രാവിലെ എട്ട് മണി മുതല്‍ മെഗാ ജോബ് മേള നടത്തുമെന്ന് ബന്ധപ്പെട്ടവര്‍ വാര്‍ത്താ സമ്മേളനത്തില്‍ അറിയിച്ചു. മേള ഐക്കണ്‍ എക്‌സി ഡയറക്ടര്‍ സന്തോഷ് കോശി തോമസ് ഉദ്ഘാടനം ചെയ്യും.
ഇന്‍ഫോസിസ്, ടി വി എസ്, യുറേക്ക ഫോര്‍ബ്‌സ്, ആക്‌സിസ് ബേങ്ക്, ഐ.ഡി.ബി.ഐ, എല്‍.ഐ.സി ഓഫ് ഇന്ത്യ തുടങ്ങി 30 കമ്പനികളിലേക്ക് എന്‍ജിനീയറിങ് ടെക്‌നിക്കല്‍, ബി.പി.ഒ, സോഫ്റ്റ്‌വെയര്‍ ഡവലപ്‌മെന്റ്, ഫൈനാന്‍സ്, മാര്‍ക്കറ്റിങ്, അക്കൗണ്ട്‌സ്, റീട്ടെയില്‍ എന്നീ തസ്തികകളിലേക്ക് ഉദ്യോഗാര്‍ഥികളെ തെരഞ്ഞെടുത്ത് നിയമനം നടത്തുകയാണ് ലക്ഷ്യം.
സ്‌പോട്ടില്‍ തന്നെ 500 പേര്‍ക്ക് നിയമനം നല്‍കും. താല്‍പര്യമുള്ള ഉദ്യോഗാര്‍ഥികള്‍ക്ക് രാവിലെ എട്ട് മണി മുതല്‍ കോളജ് കൗണ്ടറില്‍ 200 രൂപ അടച്ച് രജിസ്‌ട്രേഷന്‍ നടത്താം.
തൃശൂര്‍ ശക്തന്‍ ബസ് സ്റ്റാന്‍ഡ്, റെയില്‍വേ സ്റ്റേഷന്‍, വടക്കേ ബസ് സ്റ്റാന്‍ഡ്, അമല നഗര്‍ എന്നിവിടങ്ങളില്‍ നിന്ന് കോളജിലേക്ക് ബസ് സൗകര്യം ഏര്‍പ്പെടുത്തിയിട്ടുണ്ട്.