തിരൂരങ്ങാടി: ദേശീയ ജൂനിയര്‍ ബേസ്‌ബോള്‍ ചാംപ്യന്‍ഷിപ്പില്‍ കേരളത്തിന് ഒന്നാം സ്ഥാനം നേടിക്കൊടുത്ത ടീം ക്യാപ്റ്റന്‍ കെ. പി.വിനയക്ക് തെന്നല ഗ്രാമ പഞ്ചായത്ത് ഭരണസമിതി ഉപഹാരം നല്‍കി. ഗ്രാമപഞ്ചായത്ത് പ്രസിഡന്റ് എം.പി കുഞ്ഞിമൊയ്തീന്‍ ഉപഹാരം കൈമാറി. കെ.അബ്ദുല്‍ ഗഫൂര്‍, സുഹൈല്‍ അത്താണിക്കല്‍, കെ വി.സെയ്താലി, സുലൈഖ പെരിങ്ങോടന്‍, സലീന കുറുപ്പത്ത് , കൃഷ്ണന്‍ മുക്കോയി, സുമയ്യ ഒലിയില്‍, ഷേക് ബിജു, ഷരീഫ് വടക്കയില്‍, പി.ടി. ബീരാന്‍ മാസ്റ്റര്‍, മജീദ് സമാന്‍ തുടങ്ങിയവര്‍ സംബന്ധിച്ചു.