തിരുവനന്തപുരം: ഈ മാസം റേഷന്‍ കടകള്‍വഴി ബി.പി.എല്‍ കാര്‍ഡുടമകള്‍ക്കു സൗജന്യ നിരക്കില്‍ 25 കിലോഗ്രാം അരിയും രണ്ടു രൂപ നിരക്കില്‍ അഞ്ചു കിലോഗ്രാം ഗോതമ്പും ലഭിക്കും. എ.പി.എല്‍ കാര്‍ഡുടമകള്‍ക്കു കിലോയ്ക്ക് 8.90 രൂപ നിരക്കില്‍ ഏഴു കിലോഗ്രാം അരി ലഭിക്കും.
എ.പി.എല്‍ വിഭാഗത്തില്‍പെട്ട രണ്ടു രൂപ നിരക്കിലുള്ള ഭക്ഷ്യധാന്യ വിതരണ പദ്ധതിയില്‍ ഉള്‍പ്പെട്ടവര്‍ക്ക് ഏഴു കിലോ അരി കിലോയ്ക്കു രണ്ടു രൂപ നിരക്കില്‍ ലഭിക്കും. എ.പി.എല്‍ വിഭാഗത്തില്‍പെട്ട എല്ലാ കാര്‍ഡുടമകള്‍ക്കും ഒരു കിലോ ഗോതമ്പ് കിലോയ്ക്ക് 6.70 രൂപ നിരക്കില്‍ ലഭിക്കും. എ.എ.വൈ വിഭാഗത്തില്‍പ്പെട്ടവര്‍ക്കു സൗജന്യ നിരക്കില്‍ 35 കിലോ അരി ലഭിക്കും.