വെങ്ങപ്പള്ളി: ശംസുല്‍ ഉലമാ ഇസ്‌ലാമിക് അക്കാദമിയുടെ കീഴില്‍ വെങ്ങപ്പള്ളിയില്‍ പ്രവര്‍ത്തിച്ചു വരുന്ന പബ്ലിക് സ്‌കൂളിലെ പ്രഥമ ബാച്ച് എസ്.എസ്.എല്‍.സി പരീക്ഷ എഴുതിയപ്പോള്‍ മുഴുവന്‍ വിദ്യാര്‍ഥികളും ഉയര്‍ന്ന മാര്‍ക്കോടെ വിജയം നേടി.
രണ്ടു വിദ്യാര്‍ത്ഥികള്‍ ഒന്‍പത് എ പ്ലസ് നേടിയാണ് വിജയിച്ചത്. 2008 ലാണ് അക്കാദമിയുടെ കീഴില്‍ ഇംഗ്ലീഷ് മീഡിയം സ്‌കൂള്‍ ആരംഭിച്ചത്.
സമസ്തയുടെ അംഗീകാരത്തോടെ മദ്‌റസ പഠനവും ഇവിടെ ലഭിക്കുന്നു.
മദ്‌റസ 10ാം ക്ലാസ് പൊതു പരീക്ഷയിലും ഇതേ വിദ്യാര്‍ഥികള്‍ നൂറുമേനി നേടിയിരുന്നു. ഉന്നത വിജയം നേടിയ വിദ്യാര്‍ഥികളെയും അധ്യാപകരേയും മനേജ്‌മെന്റ് അനുമോദിച്ചു.