നെടുമങ്ങാട്: സ്‌കൂള്‍, കോളജ് വിദ്യാര്‍ഥികള്‍ക്ക് കഞ്ചാവ് വില്‍പന നടത്തി വന്ന യുവാവ് നെടുമങ്ങാട് എക്‌സൈസ് സംഘത്തിന്റെ പിടിയിലായി. തൊളിക്കോട് തേക്കുംമൂട് ഉണ്ടപ്പാറ അജിത് വിലാസത്തില്‍ അജിത്താണ് പിടിയിലായത്.
ഇയാളില്‍ നിന്ന് വില്‍പനക്കായിസൂക്ഷിച്ചിരുന്ന 250 ഗ്രാം കഞ്ചാവ് പിടിച്ചെടുത്തു. വിതുര, തൊളിക്കോട് ഭാഗത്ത് സ്ഥിരമായി കഞ്ചാവ് എത്തിച്ചുകൊടുക്കുന്ന സംഘത്തിലെ പ്രധാനിയാണ് ഇയാള്‍.
മുമ്പും കഞ്ചാവ് കേസില്‍പ്പെട്ടിട്ടുള്ള ഇയാളെ നിരന്തരമായ നിരീക്ഷണത്തിനൊടുവിലാണ് അറസ്റ്റ് ചെയ്തതെന്ന് എക്‌സൈസ് സംഘം അറിയിച്ചു. നെടുമങ്ങാട് റേഞ്ച് എക്‌സൈസ് ഇന്‍സ്‌പെക്ടര്‍ എസ് .ജി.അരവിന്ദിന്റെ നേതൃത്വത്തിലായിരുന്നു അറസ്റ്റ്.