ചെങ്ങന്നൂര്‍: അക്കാദമി ഫോര്‍ കള്‍ച്ചര്‍ ആന്‍ഡ് എജ്യുക്കേഷന്‍ ആഭിമുഖ്യത്തില്‍ മെയ് രണ്ടാം വാരം ചെങ്ങന്നൂര്‍ എന്‍ജിനിയറിങ് കോളജ് ഗ്രൗണ്ടില്‍ സംഘടിപ്പിക്കുന്ന മെറിറ്റ് ഈവനിങിന്റെ ഒരുക്കങ്ങള്‍ തുടങ്ങി.
എസ്.എസ്.എല്‍.സി, പ്ലസ് ടു പരീക്ഷകളില്‍ മുഴുവന്‍ എ പ്ലസ് നേടിയവര്‍, സര്‍വകലാശാല പ്രതിഭകള്‍, കലാ-കായിക മേഖലകളിലെ ദേശീയ-സംസ്ഥാന മെഡല്‍ ജേതാക്കള്‍, പ്രൊഫഷനല്‍ വിദ്യാഭ്യാസ രംഗത്ത് മികച്ച നിലവാരം പുലര്‍ത്തിയവര്‍ തുടങ്ങിയരെ മെരിറ്റ് ഈവനിങില്‍ ആദരിക്കും. മന്ത്രിമാര്‍, സിനിമാ താരങ്ങള്‍, സാംസ്‌കാരിക നായകര്‍ പങ്കെടുക്കും.
സംഘാടകസമിതി എക്‌സിക്യൂട്ടീവ് ചേര്‍ന്ന് വിവിധ സബ്കമ്മിറ്റികള്‍ രൂപീകരിച്ചു. സംഘാടകസമിതി ചെയര്‍മാന്‍ കെ. രാധാകൃഷ്ണന്‍ നായര്‍ അധ്യക്ഷനായി. ഡോ. ജിബി ജോര്‍ജ്, അഡ്വ. കെ.എച്ച് ബാബുജാന്‍, ജനറല്‍ കണ്‍വീനര്‍ അഡ്വ. സുരേഷ് മത്തായി, കണ്‍വീനര്‍ അഡ്വ. എം. സന്തോഷ്‌കുമാര്‍ സംസാരിച്ചു.