പാനൂര്‍: ഭര്‍തൃവീട്ടില്‍ ദുരൂഹ സാഹചര്യത്തില്‍ യുവതി മരിച്ച സംഭവത്തില്‍ ഭര്‍ത്താവും ബന്ധുവും അറസ്റ്റിലായി. ഭര്‍ത്താവ് വൈദ്യര്‍ പീടിക തിരുവാള്‍ പുളിയുള്ള പാറക്കല്‍ യൂസഫ്(32), അമ്മാവന്‍ മുസ്തഫയുടെ ഭാര്യ സഫിയ (45) എന്നിവരെയാണ് തലശേരി ഡി.വൈ.എസ്.പി പ്രിന്‍സ് അബ്രഹാം അറസ്റ്റുചെയ്തത്. ആത്മഹത്യ പ്രേരണയ്ക്കും ശാരീരിക, മാനസിക പീഡനത്തിനുമാണ് ഇവര്‍ക്കെതിരെ കേസെടുത്തിട്ടുള്ളത്. കഴിഞ്ഞ ഡിസംബര്‍ 23 നാണ് ഷക്കീലയെ ഭര്‍തൃവീട്ടില്‍ മരിച്ച നിലയില്‍ കണ്ടെത്തിയത്. പരേതനായ കുഞ്ഞമ്മദ് കദീജ ദമ്പതികളുടെ മകളാണ്. മക്കള്‍: ലിയാ ഫര്‍സിന്‍, ഉഫിനാ ഫാത്തിമ.