ശ്രീനഗർ: പ്രകൃതിഭംഗിയാൽ സമൃദ്ധമായ ദാൽ തടാകതീരത്ത് വർണവസന്തം തീർത്ത് ഏഷ്യയിലെ ഏറ്റവും വലിയ ടുലിപ് പുഷ്പോത്സവത്തിന് തുടക്കമായി. ഇന്ദിരാഗാന്ധി മെമ്മോറിയൽ ടുലിപ് ഗാർഡനിലെ ഈ വർഷത്തെ പുഷ്പോത്സവം ജമ്മു-കശ്മീർ മുഖ്യമന്ത്രി ഒമർ അബ്ദുള്ളയാണ് ഉദ്ഘാടനം ചെയ്തത്. 

70-ലധികം ഇനങ്ങളിൽപ്പെട്ട ടുലിപ് പൂക്കളാണ് ഇത്തവണ സന്ദർശകരെ സ്വീകരിക്കാനൊരുങ്ങിയിരിക്കുന്നത്. ഏകദേശം 1.8 ദശലക്ഷത്തിലധികം ടുലിപ് ബൾബുകളാണ് ഇത്തവണ പൂന്തോട്ടത്തിൽ നട്ടുപിടിപ്പിച്ചിട്ടുള്ളത്. നെതർലൻഡ്‌സിൽ നിന്നാണ് നിലവിൽ ടുലിപ് ബൾബുകൾ ഇറക്കുമതി ചെയ്യുന്നത്. എന്നാൽ, വിദേശനാണ്യം ലാഭിക്കുന്നതിൻ്റെ ഭാഗമായി ഇവ പ്രാദേശികമായി തന്നെ വികസിപ്പിച്ചെടുക്കാനുള്ള വിപുലമായ പദ്ധതികൾ സർക്കാരിൻ്റെ പരിഗണനയിലുണ്ടെന്ന് അധികൃതർ വ്യക്തമാക്കി.

ALSO READ: കണ്ണൂരിനെ ചൊല്ലി തർക്കം മുറുകുന്നു; കോൺഗ്രസിൽ സുധാകരൻ്റെ പടയൊരുക്കം, നാളെ ഡൽഹിയിൽ മാധ്യമങ്ങളെ കാണും

സാധാരണയായി മാർച്ച് അവസാനവാരത്തിൽ തുറക്കാറുള്ള പൂന്തോട്ടം, ഇത്തവണ കാലാവസ്ഥയിലെ മാറ്റവും ചൂടും കാരണം പൂക്കൾ വിരിഞ്ഞതോടെ നേരത്തെ തന്നെ സന്ദർശകർക്കായി തുറന്നുനൽകുകയായിരുന്നു. 

പഹൽഗാം ഭീകരാക്രമണത്തെത്തുടർന്ന് അടച്ചുപൂട്ടിയ 44 വിനോദസഞ്ചാര കേന്ദ്രങ്ങളിൽ ഒന്നാണ് ഈ പൂന്തോട്ടം. ഇവിടെ, സന്ദർശകർക്കായി കർശന സുരക്ഷാ ക്രമീകരണങ്ങൾ ഏർപ്പെടുത്തിയിട്ടുണ്ടെന്നും ടൂറിസം മേഖല ശക്തമായി തിരിച്ചുവരുമെന്നും മുഖ്യമന്ത്രി ഒമർ അബ്ദുള്ള പ്രത്യാശ പ്രകടിപ്പിച്ചു.

The Indira Gandhi Memorial Tulip Garden, Asia's largest, has opened its gates, showcasing 1.8 million tulips across 70 varieties, marking the start of Kashmir's spring tourism season. Jammu-Kashmir Chief Minister Omar Abdullah inaugurated the festival, highlighting the region's natural splendor and cultural richness ¹ ² ³.