എരുമപ്പെട്ടി: കടങ്ങോട് പഞ്ചായത്തില്‍ ഫുട്‌ബോള്‍ കോച്ചിങ് ക്യാംപ് ആരംഭിച്ചു. പഞ്ചായത്തിലെ കായിക പ്രതിഭകളെ കണ്ടെത്തുന്നതിനും പ്രോത്സാഹനം നല്‍കുന്നതിനും വേണ്ടി 2016-2017 ജനകീയാസൂത്രണ പദ്ധതിയില്‍ ഉള്‍പ്പെടുത്തിയാണ് ക്യാംപ് നടത്തുന്നത്. പഞ്ചായത്ത് പ്രസിഡന്റ് രമനി രാജന്‍ ഉദ്ഘാടനം ചെയ്തു. വൈസ് പ്രസിഡന്റ് സുഗിജ സുമേഷ് അധ്യക്ഷയായി. സ്ഥിരംസമിതി അധ്യക്ഷരായ അഡ്വ.കെ.എം നൗഷാദ്, ടി.പി ജോസഫ്, കായിക വിഭാഗം വര്‍ക്കിങ് ഗ്രൂപ്പ് ചെയര്‍മാന്‍ ജലീല്‍ ആദൂര്‍, പഞ്ചായത്തംഗങ്ങളായ കെ.കെ മണി, കാഞ്ചന മോഹന്‍, സൗമ്യ സുരേഷ് തുടങ്ങിയവര്‍ സംസാരിച്ചു.