സുല്‍ത്താന്‍ ബത്തേരി: സമസ്ത സുല്‍ത്താന്‍ ബത്തേരി താലൂക്ക് കമ്മിറ്റിയുടെ നേതൃസംഗമവും മദ്‌റസ മാനേജ്‌മെന്റ് അസോസിയേഷന്‍ സംസ്ഥാന പ്രസിഡന്റായി തെരഞ്ഞെടുക്കപ്പെട്ട കെ.ടി ഹംസ മുസ്‌ലിയാര്‍ക്കുള്ള സ്വീകരണവും നാളെ രാവിലെ 10ന് ദാറുല്‍ ഉലൂം മദ്‌റസയില്‍ നടക്കും.
ജില്ലയില്‍ നിന്നുള്ള പ്രഥമ മുശാവറ അംഗം, സമസ്ത ജില്ലാ പ്രസിഡന്റ്, ജില്ലയിലെ ദീനി പ്രവര്‍ത്തനങ്ങളുടെ അമരക്കാരന്‍, അനേകംപണ്ഡിതന്‍മാരുടെ ഗുരു കൂടിയായ കെ.ടി ഹംസ മുസ്‌ലിയാര്‍ക്ക് ആദരം അര്‍പ്പിച്ച് നടത്തുന്ന പരിപാടിയില്‍ താലൂക്കിലെ മൂന്ന് റെയ്ഞ്ചുകളും, ജംഇയ്യത്തുല്‍ ഉലമ, എസ്.വൈ.എസ്, എസ്.എം.എഫ്, എസ്.കെ.എസ്. എസ്.എഫ് പ്രതിനിധികളും ഉപഹാരം സമര്‍പ്പിക്കും. പരിപാടിയില്‍ അബ്ദുല്‍ ലത്വീഫ് മാസ്റ്റര്‍ ഉദരംപൊയില്‍ മുഖ്യപ്രഭാഷണം നടത്തും.