കല്‍പ്പറ്റ: കേരള സ്റ്റേറ്റ് സര്‍വിസ് പെന്‍ഷനേഴ്‌സ് അസോസിയേഷന്റെ ആഭിമുഖ്യത്തില്‍ ജില്ലാ കണ്‍വന്‍ഷനും കെ. കരുണാകരപിള്ള അനുസ്മരണ ദിനാചരണവും നടത്തി.
ഐ.സി ബാലകൃഷ്ണന്‍ എം.എല്‍.എ ഉദ്ഘാടനം ചെയ്തു. യോഗത്തില്‍ വിപിന ചന്ദ്രന്‍ മാസ്റ്റര്‍ അധ്യക്ഷനായി. ജില്ലാ സെക്രട്ടറി ടി.കെ ജേക്കബ് സ്വാഗതം പറഞ്ഞു. എന്‍.ഡി അപ്പച്ചന്‍ മുഖ്യപ്രഭാഷണം നടത്തി. തുടര്‍ന്ന് നടന്ന വനിതാ കണ്‍വന്‍ഷന്‍ ജില്ലാ പഞ്ചായത്ത് പ്രസിഡന്റ് ടി. ഉഷാകുമാരി ഉദ്ഘാടനം ചെയ്തു. ജി. വിജയമ്മ ടീച്ചര്‍ അധ്യക്ഷയായി. യോഗത്തില്‍ എന്‍. കുമാരന്‍ മാസ്റ്റര്‍, പി.ഒ റെയ്മണ്‍, കെ.കെ കുഞ്ഞമ്മദ്, വേണുഗോപാല്‍, പൗലോസ് മാസ്റ്റര്‍സംസാരിച്ചു.