ജിദ്ദ: ജിദ്ദയിലുണ്ടായ വാഹനാപകടത്തില്‍ മലപ്പുറം സ്വദേശി മരിച്ചു. മലപ്പുറം വി.കെ പടി സ്വദേശി ഫൈസല്‍ (28) ആണ് ജിദ്ദ അല്‍ ഖുംറയിലുണ്ടായ വാഹനാപകടത്തില്‍ മരിച്ചത്. സെയില്‍സ്മാനായി ജോലി ചെയ്യുന്ന ഫൈസല്‍ സഞ്ചരിച്ച വാഹനം ട്രെയിലറിന്റെ പിന്നില്‍ ഇടിച്ചാണ് അപകടം. വിവാഹം കഴിഞ്ഞ് രണ്ടു മാസം മുമ്പാണ് നാട്ടില്‍നിന്ന് തിരിച്ചത്തെിയത്. ജിദ്ദയില്‍ തന്നെ ടൈലറായി ജോലിചെയ്യുന്ന അബ്ദുറഹ്മാന്റെ മകനാണ്. ഭാര്യ: ശിബിന നസ്‌റിന്‍, മാതാവ്: അസ്മാബി, സഹോദരങ്ങള്‍ ഫഹദ്, ഫസീല. മയ്യിത്ത് നടപടിക്രമങ്ങള്‍ക്ക് ശേഷം നാട്ടിലത്തെിക്കുമെന്ന് ബന്ധുക്കള്‍ അറിയിച്ചു.