കാഞ്ഞങ്ങാട്: എസ്.കെ.എസ്.എസ്.എഫ് മുട്ടുംന്തല ശാഖയുടെ ആഭിമുഖ്യത്തില്‍ മുഹമ്മദലി ജൗഹറിന്റെ സ്മരണാര്‍ഥം ആരംഭിച്ച 'ജല വിതരണം ജനസേവനം' പദ്ധതി ജില്ലാ ഓര്‍ഗനൈസിങ് സെക്രട്ടറി പി.എച്ച് അസ്ഹരി ആദൂര്‍, ശാഖ പ്രസിഡന്റ് ഇല്യാസ് എന്നിവര്‍ ഉദ്ഘാടനം ചെയ്തു. തുടര്‍ന്ന് നടന്ന യോഗം ജമാഅത്ത് പ്രസിഡന്റ് സണ്‍ലൈറ്റ് അബ്ദുല്‍ റഹ്മാന്‍ ഹാജിയുടെ അധ്യക്ഷതയില്‍ മുഹമ്മദലി അസ്ഹരി മട്ടന്നൂര്‍ ഉദ്ഘാടനം ചെയ്തു. കെ.ടി റിസ്‌വാന്‍, ജമാഅത്ത് സെക്രട്ടറി റഷീദ് മുട്ടുന്തല, ട്രഷറര്‍ അബ്ദുല്‍ ഖാദര്‍ ഹാജി റഹ്മത്ത്, അബ്ദുല്ല മീലാദ്, ബദ്‌റുദ്ദീന്‍ സണ്‍ലൈറ്റ്, ഫൈസല്‍, ഖൈസ് സണ്‍ലൈറ്റ്, അര്‍ഷാദ്, സാദിഖ്, അബ്ദുല്ല മുട്ടുന്തല സംസാരിച്ചു.