കൂട്ടിലങ്ങാടി: അഞ്ചു ദിവസങ്ങളായി വിവിധ പരിപാടികളോടെ നടന്നുവന്ന കുട്ടിലങ്ങാടി പഞ്ചായത്ത് മുസ് ലിം ലീഗ് സമ്മേളനം സമാപിച്ചു. കടുങ്ങൂത്തുനിന്നു ആരംഭിച്ച യുവജന റാലി കൂട്ടിലങ്ങാടിയില്‍ സമാപിച്ചു. പൊതുസമ്മേളനം ടി.എ അഹമ്മദ് കബീര്‍ എം.എല്‍.എ ഉദ്ഘാടനം ചെയ്തു. പഞ്ചായത്ത് മുസ്‌ലിം ലീഗ് പ്രസിഡന്റ് എന്‍.കെ അഹമ്മദ് അഷ്‌റഫ് അധ്യക്ഷനായി.
മഞ്ഞളാംകുഴി അലി എം.എല്‍.എ. ഉമര്‍ അറക്കല്‍, അസ്‌ക്കര്‍ ഫറോക്ക്, ടി.പി ഹാരിസ്, കെ.കുഞ്ഞാലി, കുരിക്കള്‍ മുനീര്‍, എന്‍.കെ ഹുസൈന്‍, എന്‍.കെ അസ്‌ക്കര്‍, പി. ഉസ്മാന്‍, എ.കെ മുഹമ്മദലി, സി.എച്ച് അലവിക്കുട്ടി, ജാഫര്‍ വെള്ളേക്കാട്ട്, വി.ഇസ്ഹാഖ് മാസ്റ്റര്‍, പി.കെ മജീദ് ഫൈസി, പാലോളി സൈനുദ്ദീന്‍, കെ.പി മാനു, എം. ഹമീദ് തുടങ്ങിയവര്‍ സംസാരിച്ചു. എസ്.എസ്.എല്‍.സി പരീക്ഷയില്‍ മുഴുവന്‍ വിഷയങ്ങള്‍ക്കും എ പ്ലസ് നേടിയ പഞ്ചായത്തിലെ 70 ഓളം വിദ്യാര്‍ഥികള്‍ക്ക് അവാര്‍ഡ് നല്‍കി ആദരിച്ചു.