കണ്ണൂര്‍: എന്‍. രാമകൃഷ്ണന്റെ ഓര്‍മകള്‍ ഇന്നും ആവേശമായി നിലനില്‍ക്കുന്നു എന്നതാകാം പയ്യാമ്പലത്തെ എന്‍.ആര്‍ സ്മൃതി മണ്ഡപം വികൃതമാക്കിയ നീചകൃത്യത്തിന് അക്രമികളെ പ്രേരിപ്പിച്ചതെന്നു ഡി.സി.സി പ്രസിഡന്റ് സതീശന്‍ പാച്ചേനി. എന്‍.ആര്‍ ജന്മവാര്‍ഷികത്തോടനുബന്ധിച്ച് പയ്യാമ്പലത്ത് നടന്ന അനുസ്മരണ യോഗത്തില്‍ സംസാരിക്കുകയായിരുന്നു അദ്ദേഹം. അദ്ദേഹത്തിന്റെ ഓര്‍മകളെ തമസ്‌കരിക്കാനുള്ള അക്രമികളുടെ നീക്കത്തിനു കാലം മാപ്പ് നല്‍കില്ലെന്നും പാച്ചേനി പറഞ്ഞു.