ചേര്‍ത്തല: ബി.ഡി.ജെ.എസുമായുള്ള അകല്‍ച്ച ചെങ്ങന്നൂരില്‍ ബി.ജെ.പിക്ക് ദോഷം ചെയ്യുമെന്ന് എസ്.എന്‍.ഡി.പി യോഗം ജന. സെക്രട്ടറി വെള്ളാപ്പള്ളി നടേശന്‍. ഉപതെരഞ്ഞെടുപ്പില്‍ എല്‍.ഡി.എഫ് സ്ഥാനാര്‍ഥിക്കാണ് മുന്‍തൂക്കം കാണുന്നത്. 

എന്നാല്‍, ബി.ഡി.ജെ.എസ് വര്‍ഗീയ ശക്തിയാണെന്ന എം.വി ഗോവിന്ദന്റെ പരാമര്‍ശം അനവസരത്തിലായിപ്പോയി.
മുഖ്യമന്ത്രി പിണറായി വിജയനും പാര്‍ട്ടി സംസ്ഥാന സെക്രട്ടറി കോടിയേരി ബാലകൃഷ്ണനുമില്ലാത്ത അഭിപ്രായമാണിത്. കഴിഞ്ഞ തവണ ചെങ്ങന്നൂരില്‍ കിട്ടിയ വോട്ടുകളില്‍ ബി.ജെ.പിക്ക് ഇത്തവണ വലിയ കുറവുണ്ടാകും.
എന്‍.ഡി.എയിലെ പ്രശ്‌നങ്ങള്‍ അവസാന നിമിഷം പരിഹരിച്ചാലും വോട്ട് നിലവാരത്തെ ബാധിക്കും. നിലവിലെ പ്രശ്‌നങ്ങള്‍ക്കുകാരണം ബി.ജെ.പി സംസ്ഥാന നേതൃത്വമാണ്. അവര്‍ സ്ഥാനമാനങ്ങള്‍ നേടിയെടുത്തപ്പോള്‍ ഘടകകക്ഷികളുടെ കാര്യം ശ്രദ്ധിച്ചില്ലെന്നും അദ്ദേഹം പറഞ്ഞു.