നീലേശ്വരം: കോട്ടപ്പുറം ഇടത്തറ മഹല്ല് കമ്മിറ്റിയുടെ മാസാന്ത നാരിയത്ത് സ്വലാത്തിന്റെ ഏഴാം വാര്‍ഷികം മാര്‍ച്ച് 31, ഏപ്രില്‍ ഒന്ന്, രണ്ട് തിയതികളില്‍ യഹ്‌യ തങ്ങള്‍ നഗറില്‍ നടക്കും. 31ന് അസര്‍ നിസ്‌കാരശേഷം യഹ്‌യ തങ്ങള്‍ മഖാം സിയാറത്തും പതാക ഉയര്‍ത്തലും നടക്കും.
നീലേശ്വരം ഖാസി ഇ.കെ മഹ്മൂദ് മുസ്‌ലിയാര്‍ ഉദ്ഘാടനം പരിപാടി ചെയ്യും. ഇ.കെ അബ്ദുല്‍ കരീം അധ്യക്ഷനാകും. ഇസ്മാഈല്‍ ദേശമംഗലം മുഖ്യപ്രഭാഷണം നടത്തും. ഒന്നിന് രാത്രി എട്ടിന് സ്വാലിഹ് ഹുദവി വളാഞ്ചേരി പ്രഭാഷണം നടത്തും. രണ്ടിന് നടക്കുന്ന സമാപന സമ്മേളനത്തിന്റെ ഉദ്ഘാടനവും സുവനീര്‍ പ്രകാശനവും കാഞ്ഞങ്ങാട് സംയുക്ത ജമാഅത്ത് പ്രസിഡന്റ് മെട്രോ മുഹമ്മദ് ഹാജി നിര്‍വഹിക്കും. സുലൈമാന്‍ ഫൈസി മാളിയേക്കല്‍ മുഖ്യപ്രഭാഷണം നടത്തും. സ്വലാത്തിനും കൂട്ടുപ്രാര്‍ഥനയ്ക്കും മഹ്മൂദ് സഫ്‌വാന്‍ തങ്ങള്‍ നേതൃത്വം നല്‍കും.