താമരശേരി: ഒലീവ് ബുക്‌സ് പ്രസിദ്ധീകരിച്ച മൃഗസംരക്ഷണ വകുപ്പ് മുന്‍ അഡി. ഡയറക്ടര്‍ ഡോ. പി.കെ മുഹ്‌സിന്റെ 1000 മഹദ് വചനങ്ങളും 50 പഴഞ്ചൊല്ലുകളും എന്ന പുസ്തകത്തിന്റെ പ്രകാശനം മുന്‍ എം.എല്‍.എ വി.എം ഉമര്‍ മാസ്റ്റര്‍ നിര്‍വഹിച്ചു.
പി.കെ.ജി വാരിയര്‍ ഹാളില്‍ നടന്ന ചടങ്ങില്‍ പബ്ലിക് ലൈബ്രറി പ്രസിഡന്റ് എം. ബാലകൃഷ്ണന്‍ നായര്‍ അധ്യക്ഷനായി. സെക്രട്ടറി സി.വി മുഹമ്മദലി പുസ്തകം ഏറ്റുവാങ്ങി. ഡോ. പി.കെ ശിഹാബുദ്ദീന്‍ പുസ്തകം പരിചയപ്പെടുത്തി.
പഞ്ചായത്ത് പ്രസിഡന്റ് കെ. സരസ്വതി, സുനില്‍ തിരുവമ്പാടി, പ്രൊഫ. മുഹമ്മദ്, എം.എ സത്താര്‍ മാസ്റ്റര്‍, ടി.പി ഹുസൈന്‍ ഹാജി, അഡ്വ. എം. മുസ്തഫ സംസാരിച്ചു. ഹുസൈന്‍ കാരാടി സ്വാഗതവും ഡോ. പി.കെ മുഹ്‌സിന്‍ നന്ദിയും പറഞ്ഞു.