മാവൂര്‍: കുന്ദമംഗലം നിയോജകമണ്ഡലം എം. എസ്. എഫ്  കമ്മിറ്റിയുടെ 'പറവകള്‍ക്കൊരു നീര്‍ക്കുടം' പദ്ധതിക്ക് തുടക്കം കുറിച്ചു. നിയോജക മണ്ഡലം മുസ്‌ലിം ലീഗ് പ്രസിഡന്റ് കെ. മൂസ മൗലവി മണ്ഡലം തല ഉദ്ഘാടനം  നിര്‍വഹിച്ചു.
പദ്ധതി പ്രകാരം മണ്ഡലത്തിലെ 150 കേന്ദ്രങ്ങളില്‍ പറവകള്‍ക്ക് കുടി നീര്‍ സജ്ജീകരിക്കും. സഹജീവി സ്‌നേഹത്തിന്റെ  മഹത്തരമായ സന്ദേശം ജനങ്ങള്‍ക്ക് പകരുകയാണ് പദ്ധതിയുടെ ലക്ഷ്യം.  സൈഫുദ്ധീന്‍ കെ. പി അധ്യക്ഷനായി. യൂത്ത് ലീഗ് മണ്ഡലം സെക്രട്ടറി എം. നൗഷാദ്, ഷമീര്‍ പെരുവയല്‍, ഷമീര്‍ പാഴൂര്‍, ഉനൈസ്, അന്‍സാര്‍ .കെ, സാബിത് .കെ എന്നിവര്‍  സംസാരിച്ചു .
ഷാക്കിര്‍ പാറയില്‍ സ്വാഗതവും ഡാനിഷ് മുണ്ടുപാലം  നന്ദിയും പറഞ്ഞു.