നെടുമ്പാല: സമൂഹത്തില്‍ സ്ത്രീ സുരക്ഷ ഉറപ്പ് വരുത്തുക എന്ന ലക്ഷ്യത്തോടെ മേപ്പാടി ജനമൈത്രി പൊലിസ്, അഞ്ജലി ഗ്രന്ഥശാല എന്നിവയുടെ സംയുക്താഭിമുഖ്യത്തില്‍ നിര്‍ഭയ സ്വയം പ്രതിരോധ മാര്‍ഗം പരിപാടിയിലൂടെ സ്ത്രീകള്‍ക്ക് പരിശീലനം നല്‍കി. മേപ്പാടി പഞ്ചായത്ത് പ്രസിഡന്റ് കെ.കെ സഹദ് ഉദ്ഘാടനം ചെയ്തു. ഗ്രന്ഥ ശാലാ പ്രസിഡന്റ് എം അബ്ദുല്ല അധ്യക്ഷനായി. വനിതാ സെല്‍ സബ് ഇന്‍സ്‌പെക്ടര്‍ ഉഷാ കുമാരി മുഖ്യപ്രഭാഷണം നടത്തി. മേപ്പാടി എസ്.ഐ രാമചന്ദ്രന്‍, അസി. എസ്.ഐ പ്രകാശന്‍, സീനിയര്‍ സിവില്‍ പൊലിസ് ഓഫിസര്‍ സലീം, വയനാട് റോഡ് സേഫ്റ്റി വളണ്ടിയര്‍ പി കുഞ്ഞിമുഹമ്മദ് സംസാരിച്ചു. ദീപ സ്വാഗതവും എന്‍ ശിഹാബ് നന്ദിയും പറഞ്ഞു.