പാറശാല: ബൈക്ക് അപകടത്തില്‍ പരുക്കേറ്റ് ചികിത്സയില്‍ കഴിഞ്ഞിരുന്ന യുവാവ് മരിച്ചു. പൊഴിയൂര്‍ പള്ളിവിളാകം വീട്ടില്‍ ക്ലിന്റന്‍ (21) ആണ് മരിച്ചത്. കഴിഞ്ഞ വെള്ളിയാഴ്ച രാത്രി 9.30ന് സുഹൃത്തിനോടൊപ്പം ബൈക്കില്‍ സഞ്ചരിക്കവേ ചെറുവാരക്കോണത്തുവച്ച് ബൈക്ക് തെന്നി മറിഞ്ഞ് പരുക്കേറ്റ് ചികിത്സയിലിരിക്കെ ഞായറാഴ്ച രാത്രി 9.30ന് മരിക്കുകയായിരുന്നു.
ബൈക്ക് ഓടിച്ചിരുന്ന സുഹൃത്ത് സൈമന്‍ മെഡിക്കല്‍ കോളജ് ആശുപത്രിയില്‍ ചികിത്സയില്‍ കഴിയുകയാണ്. പിതാവ്: ശില്‍വകുരിശ്. മാതാവ്: എക്കീറത്തമ്മ. സഹോദരങ്ങള്‍: ജോസ്, സാബ്, മിഹായേല്‍. മൃതദേഹം ഇന്നലെ മെഡിക്കല്‍ കോളജ് ആശുപത്രിയില്‍ പോസ്റ്റ്‌മോര്‍ട്ടം ചെയ്ത ശേഷം ബന്ധുക്കള്‍ക്ക് വിട്ടുകൊടുത്തു.
പൊലിസ് കേസ് രജിസ്റ്റര്‍ ചെയ്തു.