കണ്ണൂര്‍: അന്താരാഷ്ട്ര ഒളിമ്പിക് ദിനാചരണത്തിന്റെ ഭാഗമായി ജില്ലാ സ്‌പോര്‍ട്‌സ് കൗണ്‍സിലിന്റെയും ജില്ലാ ഒളിമ്പിക് അസോസിയേഷന്റെയും സംയുക്താഭിമുഖ്യത്തില്‍ ഒളിമ്പിക് റണ്‍ സംഘടിപ്പിച്ചു. പൊലിസ് പരേഡ് ഗ്രൗണ്ടില്‍ മേയര്‍ ഇ.പി ലത ഫഌഗ് ഓഫ് ചെയ്തു. 250ഓളം കായിക താരങ്ങളും കായിക സംഘടനാ ഭാരവാഹികളും കോച്ചുമാരും പങ്കെടുത്തു. ഒളിമ്പിക് റണ്‍ മുനിസിപ്പല്‍ ഹയര്‍ സെക്കന്‍ഡറി സ്‌കൂളില്‍ സമാപിച്ചു. ഒളിമ്പിക് അസോസിയേഷന്‍ സെക്രട്ടറി വി. പി പവിത്രന്‍, കെ ശാന്തകുമാര്‍, അബ്ദുല്‍ അസീസ്, ജില്ലാ സ്‌പോര്‍ട് കൗണ്‍സില്‍ സെക്രട്ടറി ടി പ്രഭാകരന്‍ സംസാരിച്ചു.