തരിയോട്: പത്താം മൈല്‍, ഒന്‍പതാം മൈല്‍ പ്രദേശങ്ങളില്‍ കുടിവെള്ളക്ഷാമം രൂക്ഷം. കുടിവെള്ളത്തിനായി ജനങ്ങള്‍ നെട്ടോട്ടമോടുകയാണ്.
പ്രദേശത്ത് നിരവധി കുടിവെള്ള പദ്ധതികള്‍ ഉണ്ടെങ്കിലും ഒന്നും തന്നെ പ്രദേശവാസികള്‍ക്ക് ഗുണകരമാകുന്നില്ല. തരിയോട് എട്ടാം മൈല്‍ വനസംരക്ഷണ സമിതി കൊണ്ടുവന്ന ജലവും ജില്ലാ പഞ്ചായത്ത് കൊണ്ടുവന്ന കുടിവെള്ളവും പ്രദേശവാസികള്‍ക്ക് അന്യമാണ്. തൊഴിലുറപ്പ് പദ്ധതിയില്‍ ലക്ഷങ്ങള്‍ മുടക്കി കൊണ്ടുവന്ന ബാലന്‍ചോല പദ്ധതിയും പ്രദേശവാസികള്‍ക്ക് യാതൊരു ഗുണവും ചെയ്യുന്നില്ല. അധികൃതരുടെ അവഗണന മൂലം പ്രദേശവാസികള്‍ തലച്ചുമടായി കുടിവെള്ളം കൊണ്ടുവരേണ്ട അവസ്ഥയാണ്. നാട്ടുകാരുടെ കുടിവെള്ള ക്ഷാമം പരിഹരിക്കാന്‍ അധികൃതര്‍ നടപടി സീകരിക്കണമെന്നാണ് നാട്ടുകാരുടെ ആവശ്യം.