ചെങ്ങാലൂര്‍: കുണ്ടുകടവില്‍ യുവതിയെ പെട്രോളൊഴിച്ചു തീവച്ചുകൊന്ന കേസിലെ പ്രതി സംഭവത്തിനു ശേഷം ഉപേക്ഷിച്ച കത്തി പൊലിസ് കണ്ടെടുത്തു.
കണ്ണോളി ജനാര്‍ദനന്റെ മകള്‍ ജീതു (29)വിനെ കൊന്ന കുണ്ടുകടവ് പയ്യപ്പിള്ളി ബിരാജുവിനെയാണ് കുണ്ടുകടവില്‍ എത്തിച്ച് രണ്ടാം ദിവസവും തെളിവെടുപ്പുനടത്തിയത്.
കുറുമാലി പുഴയോരത്തെ കടവിലേക്കിറങ്ങാനുള്ള ചവിട്ടുപടികള്‍ക്കു സമീപത്തു നിന്നാണു കത്തി കണ്ടെടുത്തത്. പുഴകടന്നു രക്ഷപ്പെടാന്‍ ശ്രമിക്കുന്നതിനിടെയാണ് ബിരാജു കത്തി ഉപേക്ഷിച്ചത്. സംഭവദിവസം ബാഗില്‍ മൂന്നു കുപ്പി പെട്രോളും കത്തിയും പ്രതി കരുതിയിരുന്നു. പ്രതിയെ രക്ഷപ്പെടാന്‍ സഹായിച്ച മൂന്നുപേരെ കഴിഞ്ഞ ദിവസം പൊലിസ് അറസ്റ്റു ചെയ്തിരുന്നു. രണ്ടു ദിവസത്തെ പൊലിസ് കസ്റ്റഡിയില്‍ വാങ്ങിയ പ്രതിയെ ഇന്നലെ വൈകിട്ട് കോടതിയില്‍ ഹാജരാക്കി.