മലപ്പുറം: അന്താരാഷ്ട്ര ലഹരി വിരുദ്ധ ദിനാചരണത്തിന്റെ ഭാഗമായി എക്‌സൈസ് വകുപ്പിന്റെ  ആഭിമുഖ്യത്തില്‍ സ്‌കൂള്‍ വിദ്യാര്‍ഥികള്‍ക്കായി ഇന്ന് രാവിലെ പത്തിന് മലപ്പുറം എം.എസ്.പി സ്‌കൂള്‍ ഓഡിറ്റോറിയത്തില്‍ ജില്ലാതല ക്വിസ് മല്‍സരം നടത്തുന്നു.  കോളജ് വിദ്യാര്‍ഥികള്‍ക്കുള്ള ഉപന്യാസ- ചിത്രരചനാ മല്‍സരങ്ങളും മാജിക് ഷോയും  ഇതോടനുബന്ധിച്ച് നടക്കും. ഉച്ചയ്ക്ക് 12ന് സമാപന സമ്മേളനം പി. ഉബൈദുള്ള  എംഎല്‍എ ഉദ്ഘാടനം ചെയ്യും. ജില്ലാ പഞ്ചായത്ത് പ്രസിഡന്റ് എ.പി ഉണ്ണികൃഷ്ണന്‍,  ജില്ലാ കലക്ടര്‍ എസ്. വെങ്കിടേശപതി, എക്‌സൈസ് ഡെപ്യൂട്ടി കമ്മീഷനര്‍ ടി.വി. റാഫേല്‍  തുടങ്ങിയവര്‍ പങ്കെടുക്കും.