കൊല്ലം: ജീവിതത്തിന്റെ അവസാന നിമിഷവും തൊഴിലാളി വര്‍ഗത്തിന്റെ ആവശ്യങ്ങള്‍ക്ക് മുന്നില്‍ പതറാതെ നിന്ന നേതാവാണ് സത്യശീലനെന്ന് മുന്‍ കെ.പി.സി. സി പ്രസിഡന്റ് സി.വി പത്മരാജന്‍ പറഞ്ഞു. ഡി.സി.സി  സംഘടിപ്പിച്ച വി. സത്യശീലന്‍ അനുസ്മരണ സമ്മേളനം ഉദ്ഘാടനം ചെയ്യുകയായിരുന്നു അദ്ദേഹം. പ്രസിഡന്റ് ബിന്ദുകൃഷ്ണ അധ്യക്ഷത വഹിച്ചു. എ.എ അസീസ്, കെ.എന്‍ ബാലഗോപാല്‍, ഭാരതീപുരം ശശി, എന്‍ അഴകേശന്‍, എ ഷാനവാസ്ഖാന്‍, ജി പ്രതാപവര്‍മ്മ തമ്പാന്‍, രാജ്‌മോഹന്‍ ഉണ്ണിത്താന്‍, എം.എം നസീര്‍, ഇ മേരിദാസന്‍, സൈമണ്‍ അലക്‌സ്, ജമീല ഇബ്രാഹിം, വാക്കനാട് രാധാകൃഷ്ണന്‍, അയത്തില്‍ അപ്പുകുട്ടന്‍, കോയിവിള രാമചന്ദ്രന്‍, ഫിലിപ്പ് കെ തോമസ്, എസ് വിപിനചന്ദ്രന്‍, പി ജര്‍മിയാസ്, സൂരജ് രവി, നെടുങ്ങോലം രഘു എന്നിവര്‍ സംസാരിച്ചു.