ബംഗളൂരു: കാഴ്ചയില്ലാത്തവര്‍ക്കും വായിക്കുന്നതിനുള്ള ബ്രെയ്‌ലി ഭാഷയിലുള്ള ബോര്‍ഡ് ബംഗളൂരു റെയില്‍വേ സ്റ്റേഷനില്‍ സ്ഥാപിച്ചു. ഇത്തരത്തിലുള്ള 600 ബോര്‍ഡുകളാണ് റെയില്‍വേ സ്റ്റേഷനില്‍ സ്ഥാപിച്ചിട്ടുള്ളത്. ടിക്കറ്റ് കൗണ്ടറുകള്‍, പ്ലാറ്റ് ഫോമുകള്‍, റസ്റ്റോറന്റ്, കുളിമുറി, വിശ്രമ മുറി തുടങ്ങിയവയെല്ലാം മനസിലാക്കുന്നതിനായിട്ടാണ് ബ്രെയ്‌ലിയിലെഴുതിയ ബോര്‍ഡുകള്‍ സ്ഥാപിച്ചത്.