കൊട്ടാരക്കര: എം.സി.റോഡില്‍ മൈലത്ത് മിനിലോറിയും ഫോര്‍ വീല്‍ ഓട്ടോയും കൂട്ടിയിടിച്ച് ഡ്രൈവര്‍ മരിച്ചു. ഫോര്‍ വീല്‍ ഓട്ടോ ഡ്രൈവര്‍ ചെങ്ങമനാട് താന്നിക്കല്‍ നെടിയവിളപുത്തന്‍വീട്ടില്‍ യോഹന്നാന്‍ രാജു(54) ആണ് മരിച്ചത്. ബുധനാഴ്ച രാത്രി ഏഴുമണിയോടെ ആയിരുന്നു അപകടം. ഇഞ്ചക്കാട് നിന്നും കൊട്ടാരക്കരയിലേക്കു വരികയായിരുന്നു ഫോര്‍ വീല്‍ ഓട്ടോയും എതിരെ വന്ന മിനിലോറിയും കൂട്ടിയിടിക്കുകയായിരുന്നു.
ഗുരുതരമായി പരുക്കേറ്റ രാജു തിരുവനന്തപുരം മെഡിക്കല്‍ കോളശുപത്രിയിലേക്കുള്ള യാത്രാമധ്യേ മരിച്ചു. ഭാര്യ: കുഞ്ഞുകുഞ്ഞമ്മ. മക്കള്‍: നിബിന്‍ രാജു(ഗള്‍ഫ്), നീതു. മരുമകന്‍: മനു ജോയി. ശവസംസ്‌കാരം ശനിയാഴ്ച 11ന് കിഴക്കേക്കര പട്ടമല മാര്‍ത്തോമ്മാ പള്ളിയില്‍.