മുല്ലശ്ശേരി: പെരുവല്ലൂര്‍ കോള്‍പ്പടവിലെ നെല്ല് എടുക്കാന്‍ സര്‍ക്കാര്‍ ഏജന്‍സിയായ സിവില്‍ സപ്ലൈസ് കോര്‍പ്പറേഷന്‍ തയാറാകാത്തത് കോള്‍ കര്‍ഷകരെ ദുരിതത്തിലാക്കി.
 മുല്ലശ്ശേരി പഞ്ചായത്തിലെ പെരുവല്ലൂര്‍ കോള്‍പ്പടവില്‍ 130 ഏക്കറിലാണ് കര്‍ഷകര്‍ കൃഷിയിറക്കിയിരിക്കുന്നത്. സപ്ലൈ കോര്‍പ്പറേഷനില്‍ കര്‍ഷകര്‍ പേര് രജിസ്‌ട്രേഷന്‍ ചെയ്ത് നെല്ല് സംഭരിക്കുന്നതിന് കോര്‍പ്പറേഷന്‍ ചാക്കുകള്‍ വിതരണം ചെയ്‌തെങ്കിലും ഉപ്പ് വെള്ളം കയറിയ നെല്ലിന് ഗുണമേന്മയില്ലെന്ന കാരണം പറഞ്ഞാണ് നെല്ല് എടുക്കാത്തത്.
അധികാരികളുടെ അനാസ്ഥമൂലം കൃത്യസമയത്ത് വളയം ബണ്ട് നിര്‍മിക്കാത്തതിനാല്‍ കോള്‍പ്പടവുകളില്‍ ഉപ്പ് വെള്ളം കയറിയിരുന്നു.