പാനൂര്‍: പൊതുവിദ്യാലയ സംരക്ഷണത്തിന്റെ ഭാഗമായി പാനൂര്‍ ബി.ആര്‍.സിയുടെ നേതൃത്വത്തില്‍ കുന്നോത്തുപറമ്പ് പഞ്ചായത്ത് തല മികവുത്സവം സംഘടിപ്പിച്ചു. ചെണ്ടയാട് യു.പി സ്‌കൂളില്‍ പഞ്ചായത്ത് പ്രസിഡന്റ് കരുവാങ്കണ്ടി ബാലന്‍ പരിപാടി ഉദ്ഘാടനം ചെയ്തു. പി.ടി.എ പ്രസിഡന്റ് എന്‍ അനില്‍കുമാര്‍ അധ്യക്ഷനായി. പ്രധാനധ്യാപകന്‍ സി മനോഹരന്‍, പഞ്ചായത്തംഗം വി ഭാസ്‌കരന്‍, എം.പി പ്രദീപന്‍, കെ ഭാസ്‌കരന്‍, കെ പ്രേമരാജന്‍, എന്‍.ജെ ജീന സംസാരിച്ചു.
മട്ടന്നൂര്‍: എടയന്നൂര്‍ തെരൂര്‍ മാപ്പിള എല്‍.പി സ്‌കൂളില്‍ നടന്ന കീഴല്ലൂര്‍ ഗ്രാമപഞ്ചായത്ത്തല മികവുത്സവം ഗ്രാമ പഞ്ചായത്ത് പ്രസിഡന്റ് എം രാജന്‍ ഉദ്ഘാടനം ചെയ്തു. വിദ്യാഭ്യാസ സ്റ്റാന്‍ഡിങ് കമ്മിറ്റി ചെയര്‍മാന്‍ കെ.കെ പ്രഭാകരന്‍ അധ്യക്ഷനായി. മട്ടന്നൂര്‍ എ.ഇ.ഒ എ.പി അംബിക മുഖ്യപ്രഭാഷണം നടത്തി. എന്‍.കെ അനിത ഉപഹാര സമര്‍പ്പണം നടത്തി.
എം ഉനൈസ് പദ്ധതി വിശദീകരിച്ചു. സി ജസീല, പി.കെ അബ്ദുള്‍ ലത്തീഫ്, പി.വി സഹീര്‍, എം.പി വിനോദ്, പി അനില, സി.പി സലീത്ത്, കെ മുഹമ്മദ് ഫായിസ്, ആര്‍.കെ സുധാകരന്‍, എ.സി നാരായണന്‍, കെ പ്രഭാകരന്‍ സംസാരിച്ചു. പഞ്ചായത്തിലെ മികച്ച വിദ്യാലയങ്ങളായി കാനാട് എല്‍.പി സ്‌കൂള്‍, തെരൂര്‍ മാപ്പിള എല്‍.പി സ്‌കൂള്‍ എന്നിവ തെരഞ്ഞെടുത്തു.