കൊച്ചി: 64ാമത് ദേശീയ ചലച്ചിത്ര അവാര്‍ഡിനും  മികച്ച നടനുള്ള സംസ്ഥാന  പുരസ്‌കാരം നേടിയ വിനായകന്‍ പരിഗണനയില്‍. ദക്ഷിണേന്ത്യന്‍ സിനിമകളുടെ പ്രാദേശിക ജൂറികള്‍ സമര്‍പ്പിച്ച പട്ടികയിലാണ് വിനായകന്റെ പേരും ഇടംനേടിയത്. മലയാളത്തില്‍ നിന്ന് പത്തുസിനിമകളാണ് ഇത്തവണ പ്രാദേശിക ജൂറി വിവിധ പുരസ്‌കാരങ്ങള്‍ക്കായി നിര്‍ദേശിച്ചിരിക്കുന്നത്. ബാലാജി, ആര്‍. എസ് വിമല്‍ എന്നിവരാണ് പ്രാദേശിക ജൂറി ചെയര്‍മാന്‍മാര്‍. വിനായകന് സംസ്ഥാന അവാര്‍ഡ് നേടിക്കൊടുത്ത രാജീവ് രവിയുടെ കമ്മട്ടിപ്പാടം കൂടാതെ മഹേഷിന്റെ പ്രതികാരം, ഒറ്റയാള്‍ പാത, ഗപ്പി, കാട് പൂക്കുന്ന നേരം, പിന്നെയും, മിന്നാമിനുങ്ങ്, കാംബോജി എന്നീ ചിത്രങ്ങളും പട്ടികയിലുണ്ട്. കഴിഞ്ഞ തവണ മലയാളത്തിന് നാല് പുരസ്‌കാരങ്ങള്‍ ലഭിച്ചിരുന്നു.