ബംഗളൂരു: കര്‍ണാടകയില്‍ ഭരണംപിടിക്കുമെന്ന അഭിപ്രായത്തില്‍ മാറ്റമില്ലാതെ ബി.ജെ.പിയുടെ മുഖ്യമന്ത്രി സ്ഥാനാര്‍ഥി ബി.എസ് യെദ്യൂരപ്പ. 15ന് തന്റെ സര്‍ക്കാര്‍ സത്യപ്രതിജ്ഞ ചെയ്യുമെന്ന് തെരഞ്ഞെടുപ്പ് ദിവസം പ്രഖ്യാപിച്ച യെദ്യൂരപ്പ, അത് എഴുതിത്തരാമെന്നു കൂടി പറഞ്ഞു.

120 ല്‍ കൂടുതല്‍ സീറ്റുകള്‍ ബി.ജെ.പി നേടുമെന്നാണ് യെദ്യൂരപ്പയുടെ അവകാശവാദം. ''ഇതാണ് എന്റെ കണക്കുകള്‍. ഇതുവരെ, എന്റെ കണക്കുകൂട്ടലുകള്‍ തെറ്റിയിട്ടില്ല'' യെദ്യൂരപ്പ പറഞ്ഞു. സംസ്ഥാനം മുഴുവന്‍ ഓടിനടന്നിട്ടുള്ളയാണാ താനെന്നും കൃത്യമായി കണക്ക് അറിയാമെന്നും യെദ്യൂരപ്പ പറഞ്ഞു.

തെരഞ്ഞെടുപ്പ് ദിവസം സത്യപ്രതിജ്ഞാ തിയ്യതി പ്രഖ്യാപിച്ച യെദ്യൂരപ്പയുടെ നിലപാടിനെ 'വട്ടാണ്' എന്ന പരാമര്‍ശത്തോടെയാണ് സിദ്ധരാമയ്യ നേരിട്ടത്.