മലപ്പുറം:  കോണ്‍ഫെഡറേഷന്‍ ഓഫ് കേരള കോളജ് ടീച്ചേഴ്‌സ് (സി. കെ. സി. ടി) സംസ്ഥാന സമ്മേളനം ഇന്നു  മുതല്‍  19വരെ ഡി. ടി. പി. സി ഹാളില്‍ നടക്കുമെന്ന് ഭാരവാഹികള്‍ വാര്‍ത്താ സമ്മേളനത്തില്‍  അറിയിച്ചു. 17ന് വൈകിട്ട് അഞ്ചിന്  സംസ്ഥാന പ്രസിഡന്റ് പ്രൊഫ. പാമ്പള്ളി മഹ്മൂദ് പതാക  ഉയര്‍ത്തും.  18ന്  രാവിലെ നടക്കുന്ന സെമിനാര്‍ പാണക്കാട് സയ്യിദ് മുനവ്വറലി ശിഹാബ്  തങ്ങള്‍ ഉദ്ഘാടനം ചെയ്യും.  2.30ന് മതേതര  വിദ്യാഭ്യാസം സമര്‍പ്പിത മുന്നേറ്റം എന്ന വിഷയത്തിലുള്ള സെമിനാര്‍ കാലിക്കറ്റ് സര്‍വകലാശാല വൈസ് ചാന്‍സലര്‍ ഡോ. കെ.  മുഹമ്മദ് ബഷീര്‍ ഉദ്ഘാടനം ചെയ്യും.  നാലിന് ഫാസിസത്തിനെതിരേ തെരുവു ക്ലാസ്, സംസ്ഥാന കൗണ്‍സില്‍, ഗസല്‍ എന്നിവയുണ്ടാവും.
ഞായറാഴ്ച 10ന് പാണക്കാട് സയ്യിദ് ഹൈദരലി ശിഹാബ് തങ്ങള്‍ സമ്മേളനം ഉദ്ഘാടനം ചെയ്യും. ഉച്ചയ്ക്ക് രണ്ടിന്  വിദ്യാഭ്യാസത്തിന്റെ  അപകോളനീകരണം എന്ന  വിഷയത്തിലുള്ള സെമിനാര്‍ സയ്യിദ് സാദിഖലി ശിഹാബ് തങ്ങള്‍ ഉദ്ഘാടനം ചെയ്യും.  പരിസ്ഥിതി പ്രവര്‍ത്തകന്‍ ക്ലോഡ് അല്‍വാരിസ് മുഖ്യാതിഥിയാവും. വാര്‍ത്താ സമ്മേളനത്തില്‍ പാമ്പള്ളി  മഹ്മൂദ്, ഡോ. സൈനുല്‍ ആബിദ് കോട്ട, പ്രൊഫ. ഷഹദ് ബിന്‍ അലി, ഡോ. ഹുസൈന്‍ കൂരിമണ്ണില്‍,  പ്രൊഫ. പി. എം സലാഹുദ്ദീന്‍ തുടങ്ങിയവര്‍ പങ്കെടുത്തു.